1.
Teče voda kolomutna, mila moja, čom jes smutna,
ja ne smutna lem serdita, bo ja byla v noči bita.

2.
Bila mene maty v noči pro Ivankovi čorny oči,
/: šče kazala bude bity, ščob Ivanka neľubity.:/

3.
Ja Ivanka tak ľubuju, de zyjdu sja, tam ciluju,
/: oj, Ivanko, serdce moje, nema takych jak my dvoje.:/

4.
Bo my taky sparovany, jak horňatka maľovany,
/: oj, Ivanku serdce moje, nema takych jak my dvoje.:/

5.
Mamko moja, solodeňka, i vy byli molodeňka,
/: vy chodili tak za ňaňkom, jak ja teper za Ivankom.:/